Një të premte në mbrëmje disa javë më parë, burri im dhe unë vendosëm të nxirrnim disa karrige në rrugë dhe të lajmëronim fqinjët se do të mbanim një mini-festë atje me pije dhe meze të lehtë. Hapa frigoriferin tim dhe gjeta disa patate të skuqura dhe salcë, karota dhe humus, një pykë të vogël djathi dhe disa M & M të mbetura.
Së shpejti, u mblodh një turmë të vogël përpara shtëpisë sonë, dhe biseduam për orët të tëra. Biseduam për atë që po ndodh në botë, për prindërit, martesën, traditat familjare, besimin dhe tema më tjera të aktualitetit. Plot me të qeshura dhe argëtim, si dhe shumë mundësi për të lëvduar Jezusin. Ai del në çdo temë dhe është i rëndësishëm për pothuajse çdo bisedë.
Fundjavën e kaluar, bëmë të njëjtën gjë dhe mblodhëm një grup tjetër të shkëlqyeshëm, duke ndarë biseda kuptimplota dhe që të afrojnë më shumë me bashkëbiseduesit. Një nga familjet në atë grup ka filluar të vijë në kishë me ne çdo javë. Të shohësh besimin në familjen e tyre dhe marrëdhënien me Zotin, që rritet vazhdimisht, është e mrekullueshme!
Ky nuk është një lajm i madh, në asnjë mënyrë, por është edhe mënyra se si bota ndryshon. Jam i bindur për dy gjëra:
- Ju mund ta lartësoni Jezusin në pothuajse çdo bisedë dhe ndërveprim
- Ndikimin më të madh e bëjmë përmes ndërveprimeve të vogla, me ata që janë afër nesh
Jezusi inkurajon të krishterët të jenë drita e botës dhe vazhdon të thotë:Le të shkëlqejë drita juaj para të tjerëve, në mënyrë që ata të mund të shohin veprat tuaja të mira dhe të përlëvdojnë Atin tuaj në qiell.1
Dikur mendoja se diçka duhej të ishte mjaft domethënëse në mënyrë që të “përlëvdoja Atin tim”, por nuk e mendoj më kështu. Unë mendoj se veprimet e vogla dhe ndërveprimet e kryera në jetën tonë të përditshme janë një mënyrë e madhe për ta lënë dritën tonë të shkëlqejë dhe për t’i sjellë të tjerët tek Jezusi.
Në vitet e kaluara, fokusi im ka ndryshuar nga të menduarit se Ndoshta një ditë do të bëj përsëri vepra vullnetare duke menduar se misioni im është menjëherë jashtë derës. Janë njerëzit që e njohin Jezusin dhe njerëzit që nuk e njohin. Janë njerëzit që e pëlqejnë Jezusin dhe njerëzit që janë të zemëruar me Të.
Po përdor dhuratat e mia, çfarëdo qofshin ato, për të mirëpritur njerëzit në komunitet. Dhurata ime është mikpritja. Jam e zonja për të hapur derën e shtëpisë sime. Nuk e kam fjalën për ngjarje të zbukuruara apo një shtëpi gjithmonë të përsosur, por të mirëpresësh njerëzit mes çmendurive të familjes time dhe të ndihmosh në krijimin e një momenti për të ndarë gëzimet dhe betejat e njëri-tjetrit. Kështu që këtë bëj unë.
Dhuratat tuaja mund të jenë krejt të ndryshme. Nuk e di se çfarë mundësie keni për të lartësuar Jezusin, por jam i sigurt që mundësia ekziston. Përqafoni misionin pikërisht përreth jush dhe shihni se çfarë do të bëjë Zoti.
- Mateu 5:16 ↑