Në fillim të këtij viti, vendosa që do të jetoja më shëndetshëm. E keni parasysh, duke u ushtruar më shumë, duke ngrënë më shëndetshëm, dhe mbase duke humbur nja dy kilogramë.
Zbulova shumë shpejt se me kaq shumë ushqime të pashëndetshme në dispozicion, është shumë e vështirë të bësh zgjedhje të shëndetshme për të ngrënë. Shumë shpesh, zgjedhja jo e shëndetshme është më e thjeshtë (ose duket sikur do të ishte më e shijshme). Ndonjëherë, është më e lehtë të rrëmbesh një pako me patatina ose një sandviç të gatshëm nga rafti i dyqanit sesa të bëj vetë një sallatë ose një vakt më të shëndetshëm. Në planin afatgjatë, zgjedhja e shëndetshme ia vlen, por unë e gjej veten duke marrë vendime të gabuara gjatë rrugës.
Kur i mora parasysh të gjitha këto, pashë paralelizmin me jetën time shpirtërore. Ashtu si është e lehtë për mua të bëj zgjedhje jo të shëndetshme rreth ngrënies, është e lehtë të mbështetem në anën time dembele dhe të mos kujdesem për jetën time shpirtërore. Në vend që të marr një moment të lirë për t’u lutur ose për të lexuar një artikull përkushtimi fetar, lundroj në internet, kontrolloj lajmet ose thjesht shikoj një film ose një episod në televizion. Këto gjëra nuk janë të këqija në vetvete, por telashet vijnë kur unë nuk i ekuilibroj këto aktivitete me ujin e pastër dhe të freskët me kontribut hyjnor.
Ne duhet të kujdesemi për dietat tona shpirtërore aq sa kujdesemi për dietat tona fizike. “Trupi pa shpirt nuk ka jetë.” 1 Ne mund të punojmë për të parandaluar sëmundjen shpirtërore duke ushtruar besimin tonë dhe duke mbushur mendjen me këto elemente ekuilibruese: Fjala e Zotit, lutja, muzika hyjnore, libra përkushtimi fetar, biseda motivuese dhe shfaqja e kujdesit për të tjerët.
Shpirtërorja dhe praktikja bashkëjetojnë në jetët tona dhe nëse i mbajmë të dyja në përpjesëtime e tyre të drejta, do të jemi shumë më mirë!
- James 2:26↑