Jeta mund të jetë tepër e vështirë, por është dikush të cilit mund t’i drejtoheni në kohët më të vështira. Ky mik është aty për ju si në të mirat ashtu edhe në të këqijat. Bibla e përshkruan Atë si “një njeri i dhembjeve dhe njohës i pikëllimit” (Isaia 53:3)—dikush që duroi vuajtje të pamasë dhe e kupton dhimbjen tuaj më të thellë emocionale dhe fizike. Ky mik është Jezu Krishti, Biri i Zotit.

Bibla na thotë se “Zoti është dashuri” (1 Gjonit 4:8), dhe dashuria e Tij është e pakufishme. Është më e lartë se mali më i lartë dhe më e thellë se deti më i thellë. Është kudo, gjithmonë dhe gjithëpërfshirës! Kjo dashuri monumentale është përtej të kuptuarit tonë të plotë, por Zoti donte që ne ta përjetonim atë. Kjo është arsyeja pse Ai dërgoi Birin e Tij, Jezusin, për të jetuar mes nesh dhe për të ndarë në përvojat tona. Ndryshe nga ne, Jezusi ishte edhe Zot edhe njeri.

Jezusi e përfundoi misionin e Tij në tokë duke dhënë jetën e Tij  me një vuajtje torturuese në kryq, duke u ringjallur nga të vdekurit dhe duke u kthyer tek Ati i Tij në qiell. Ai bëri sakrificën përfundimtare për të marrë mbi Vete mëkatet tona dhe për të na shëlbuar, në mënyrë që ne të mund të falemi dhe të kuptojmë dashurinë e thellë që Ai dhe Ati kanë për ne. “Sepse Perëndia e deshi aq botën (ju dhe mua) sa dha Birin e Tij të vetëmlindurin (Jezusin), që kushdo që beson në të të mos humbasë, por të ketë jetë të përjetshme” (Gjoni 3:16).

Jezusi ju njeh personalisht. Ai e di emrin tuaj, problemet dhe dhimbjet tuaja në zemër, dhe Ai dëshiron t’ju ndihmojë. Nëse e kërkoni Atë, Ai do të ecë me ju nëpër të gjitha vështirësitë, sfidat, humbjet dhe tragjeditë e jetës. Pavarësisht nga rrethanat tuaja, ju mund të përjetoni ngushëllimin dhe shpresën që Ai ofron.

Kur hapni zemrën tuaj ndaj Tij dhe e bëni Atë pjesë të jetës suaj, Ai do t’ju ndihmojë të lundroni nëpër çdo vështirësi. Zoti mund të mos jua largojë të gjitha problemet, por Ai do t’ju ndihmojë t’i përballoni ato.

Dhe kur ecni me Të në këtë jetë, ju mund të vazhdoni të ecni me Të në tjetrën – në parajsë, një vend gëzimi, paqeje, dashurie dhe drejtësie të përjetshme, ku vuajtjet dhe varfëria nuk janë më.

Mund ta njihni dashurinë gjithëpërfshirëse të Zotit dhe të kuptoni se sa i rëndësishëm jeni për Të. Kini besim se Ai është gjithmonë pranë jush dhe përjetoni gëzimin e Tij. Bibla mund t’ju ndihmojë të mësoni më shumë rreth Zotit, dashurisë së Tij për njerëzimin dhe planit të Tij për jetën tuaj.

Jezusi dëshiron një marrëdhënie personale me ju dhe të jetë një pjesë e vërtetë e jetës suaj tani dhe përgjithmonë. Ai qëndron në derën e zemrës suaj, duke pritur që ju ta hapni dhe ta ftoni Atë brenda (Zbulesa 3:20).

Ju mund ta ftoni Jezusin në jetën tuaj duke u lutur sinqerisht me këtë lutje:

“Jezus, të lutem më fal për të gjitha mëkatet e mia. Unë besoj se ti dhe jetën Tënde për mua. Unë të hap derën e zemrës sime dhe të ftoj në jetën time. Të lutem më mbush me dashurinë dhe Shpirtin tënd të Shenjtë, më ndihmo të të njoh Ty, dhe më udhëzo në rrugën e së vërtetës.