Bibla është një magazinë e pasur me këshilla praktike dhe shpirtërore, dhe shembujt e marrëdhënieve të forta janë një nga temat e saj të shpeshta. Në fakt, Martin Luther komentonte se e gjithë jeta Kristiane i kushtohet krijimit të marrëdhënieve mes njerëzve që na rrethojnë.[1. “Liria e një të Krishteri,” Luther’s Works, ed. Harold J. Grimm dhe Helmut T. Lehmann (Philadelphia: Shtypi Muhlenberg, 1957), fq. 365]

Pra çfarë mund të mësojmë nga Bibla për të patur sukses me njerëzit?

Kërkoni të mirën.

Mundohuni të keni përzemër gjithçka është e vërtetë, gjithçka është e ndershme, gjithçka është e drejtë, gjithçka është e pastër, gjithçka është e shenjtë, gjithçka është e denjë për dashuri, gjithçka është e denjë për lavdi, gjithçka është virtyt.—Filipianëve 4:8

Trajtojini mirë të tjerët, ashtu siç do të donit t’ju trajtonin.

Gjithçka që dëshironi t’ju bëjnë juve njerëzit, bëjuani edhe ju atyre. Ky është Ligji dhe profetët.—Mateu 7:12

Secili prej nesh duhet të jetojë që t’i pëlqejë të afërmit të vet dhe jo vetvetes.—Romakëve 15:1–2

Jini të sjellshëm dhe të mirë me të gjithë.—Titus 3:2

Përshtatuni.

Të mundohemi të ndihmojmë që të përparojë paqja dhe për ndërtimin e njëri-tjetrit.—Romakëve 14:19

Edhe pse unë jam i lirë prej të gjithëve, vetveten e bëra skllavin e të gjithëve që të fitoj sa më shumë njerëz. Prandaj për judenjtë u bëra jude, që t’i fitoj judenjtë. Me ata që janë pa ligj, sikurse të isha pa ligj, për t’i fituar ata. Për të gjithë u bëra gjithçka, që të mund ta shpëtoj sa më shumë njerëz. —1 Korintasve 9:19–22

Gjithmonë falni.

Atëherë Pjetri iu afrua dhe e pyeti, “Zot, nëse vëllai im gabon ndaj meje, sa herë duhet ta fal? Deri në shtatë herë?”

Jezusi iu përgjigj:

“Jo, jo shtatë herë, por deri në shtatëdhjetë herë shtatë!”—Mateu 18:21–22

Ndihmoni.

Mbani barrën e njëri-tjetrit—Galatasve 6:2

Jam i kënaqur dhe gëzoj bashkë me ju të gjithë.—Filipianëve 2:17 

Që atë ditë që morëm vesh për këtë gjë, nuk pushojmë së luturi për ju. Ne i kërkojmë Zotit të mbusheni me çdo urti e kuptim shpirtëror dhe njohurinë e plotë të vullnetit të tij.—Kolosianëve 1:9