Disa muaj më parë, në një të shtunë zagushi, familja jonë bëri udhëtimin e shumëpritur në një park të madh me tematikë. Adoleshentët tanë, pa u trembur nga dielli i nxehtë dhe turmat, mezi prisnin një ditë aventureske në zonën e automjeteve dhe lodrave të tjera plot adrenaline, kështu që sapo hymë në park, iu drejtuam lodrës më të madhe, më të ndërlikuar të maleve ruse.
Pasi pritëm në radhë për nja gjysmë ore të mirë, të gjithë ne u siguruam mirë me rripin e sigurimit dhe u kapëm fort dhe kaluam në një pikë pa kthim. Mali rus e rriti shpejtësinë derisa arriti 52 metra lartësi, pastaj u zhyt, duke u kthyer vertikalisht para–mbrapa, me shpejtësi 100 km/h. Kjo nuk ishte fare argëtuese për mua. U përpoqa të shtypë panikun dhe vizionet e vdekjes, pasi pjesa tjetër e familjes sime u tërhoq nga zemërimi. Vijuan dy minuta shumë të frikshme, ne kaluam në zonën e ndalimit. Nuk mund t’ju them se sa e lumtur isha që do të zbrisja nga ajo lodër!
Edhe pse unë nuk jam një adhuruese e maleve ruse, nuk mund të rri pa vënë re se si ndonjëherë jeta mund të ndihet si një udhëtim i përdredhur dhe i kthyeshëm. Aq shumë mund të ndryshojë kaq shpejt, dhe ne kontrollojmë aq pak përvojën. Ja disa gjëra që më ka mësuar udhëtimi im nga jeta:
Nuk jemi në kontroll.
Ka kthesa dhe pengesa që nuk i parashikoj, dhe lartësitë e stuhishme nuk mund t’i parashikoj. Nuk mund të detyroj një rezultat ose të përcaktoj zgjedhjet e të tjerëve. Unë mund të kontrolloj vetëm qëndrimin dhe veprimet e mia.
Hapi sytë.
I mbylla sytë për pothuajse të gjithë përvojën time në malin rus. Sigurisht, kjo në të vërtetë nuk më ndihmoi të isha më pak e frikësuar. Ndonjëherë, në jetë, ne mund të mbyllin fort sytë tanë, duke refuzuar të shohim aventurën, për shkak të frikës, kokëfortësisë, ose ndoshta edhe përtacisë. Duhet të hapim sytë.
Përqafoni kaosin.
Jeta nuk është gjithmonë si një xhiro në malin rus. Ndonjëherë është më shumë si një nga ato xhirot me trenin e fëmijëve, të parashikueshme, të sigurta dhe të lehta. Mua më pëlqen rutina, më pëlqen e parashikueshmja. Por duke parë në të shkuarën, është e qartë se kaosi, duke u hedhur në të papritura, është shpesh ai që prodhoi aventurën e jetës sime, më të pasur me emocione. Gjithmonë lini vend për zbulim.
Besojini udhëtimit.
Malet ruse nuk janë të dizajnuara në mënyrë rastësore nga dikush me një skicë dhe një çekiç. Ka precizion dhe aftësi ekstreme të përfshira në çdo fazë. Ekuacionet rigoroze, skenarët dhe provat janë zhvilluar për të provuar se xhiroja është e sigurt, ofrohet një trajnim i rreptë për çdo operator dhe regjistrohet mirëmbajtja e detajuar. Xhiroja është e sigurt, edhe kur nuk duket e tillë. Dhe kur bëhet fjalë për uljet, ngritjet, kthesat dhe ngjitjet e jetës sime, Zoti më ka dëshmuar pa pushim se Ai është i mirë. Ai është i besueshëm. Ai është besnik. Kur kemi besim tek Ai, jemi të sigurt.
Mendoj se thjesht ju dhashë katër arsye të mira për të hipur në një mal rus! — Dhe gjithashtu për të shijuar udhëtimin e jetës suaj!