Jo shumë kohë më parë, mediat e mia sociale shpërthyen me lajmin se një çift i njohur kishte njoftuar divorcin. Ky çift i pushtetshëm kishte krijuar një grup ndjekësish si “guru të marrëdhënieve”, me libra, faqe në internet, video, podcast, paraqitje të shumta të ftuarve dhe miratime, dhe një “konferencë në çift” shumë të kushtueshme. Njerëzit që e kishin besuar në perandorinë e tyre ndiheshin të tradhtuar, të gënjyer dhe të hutuar.
Ideja që “nëse ky çift, i cili dilte natën, këshillonte të tjerët, konte kohë të rregullt në çift, kishte një grup të fortë miqsh, pa shqetësime financiare, një ushtri trajnerësh, punonjës në shtëpi, dhe megjithatë e gjithë “mençuria” e tyre mbi marrëdhëniet martesore dështoi, pse duhet ta marrim mundimin ne të tjerët? ” u shprehën mbështetësit në shumë forma të ndryshme nëpër komentet e medieve sociale.
Por kur unë e dëgjova lajmin, nuk u çudita. Jo sepse “e prisja”, por sepse kam mësuar sa e lehtë është për këdo që të dështojë, madje (ose ndoshta) veçanërisht) në fushën e tyre të ekspertizës.
Shumicën e kohës gjatë jetës sime si i rritur, kam dashur të më dorëzohej formula ose programi për të qenë i suksesshëm. Doja të më thoshin “bëje këtë, atë dhe tjetrën; dhe mos i bëj këto gjëra të tjera, dhe do të kesh një [martesë, ekonomi, familje, marrëdhënie me Zotin, karrierë, etj.] të shkëlqyer.” Nuk doja përgjegjësinë të bëja hulumtimin tim, gabimet e mia dhe të punoja për besimin/rrugën time.
Siç mund ta imagjinoni, kjo është një recetë e shkëlqyer për zhgënjim. Më shumë se një herë, gurutë kanë dështuar. Kështu që më lejoni ta përmbledh mësimin tim këtu për ju:
- Bibla i vë një përgjegjësi shumë personale secilit prej nesh kur na thotë që të jemi “të bindur jo vetëm kur isha i pranishëm, por edhe më shumë tani që jam larg, punoni për shpëtimin tuaj me frikë e me dridhje”. 1
- Ne nuk duhet t’i besojmë gjithkujt, pavarësisht sa të kualifikuar ata duken. Kjo nuk do të thotë që ata nuk japin këshilla të mira. Thjesht do të thotë që besimi ynë është te Zoti. Ne e ndërtojmë shtëpinë tonë në shkëmbin e së vërtetës së Zotit pikërisht në mënyrë që ajo të mos shkatërrohet nga çdo stuhi apo zhgënjim. 2
- Lejojini njerëzit të dështojnë. Të gjithë po përpiqemi të bëjmë më të mirën tonë. Siguria ime nuk vjen nga përsosmëria ose pagabueshmëria e dikujt tjetër; vjen duke ditur se Zoti e ka kontrollin dhe se asgjë nuk mund të më ndajë nga dashuria e Tij. 3
Kjo mund të duket si këshillë shpirtërore për çështje praktike dhe është vërtet, sepse edhe çështjet praktike përfshijnë besimin, dhe në mënyrë që besimi të qëndrojë, duhet të rrënjoset në të vërtetën.