Fuqia të falësh është pjesë e natyrës dhe esencës së Zotit, dhe kur e ushtron atë, ti i tejkalon limitet e natyrës njerëzore.
Të zgjedhësh të falësh tjetrin është një nga gjërat më të vështira që njerëzit mund të bëjnë, veçanërisht nëse s’e meritojnë. Natyra njerëzore kërkon hakmarrje dhe ndëshkim, ose të paktën, dëmshpërblim. Por unë erdha të sjell faljen dhe shpëtimin nga mëkatet. Siç mund të shihni nga natyra ime, një nga cilësitë e saj është një gatishmëri për të falur të tjerët. Nëse personi që ka gabuar e meriton faljen apo jo, kjo s’është e rëndësishme. E rëndësishme është që ti të bësh gjënë e duhur duke i ofruar të njëjtën mëshirë dhe falje, që Unë të ofrova ty.
Fal ata që të kanë hyrë në hak, siç Ati qiellor të fal ty.